შპს "სპარ" დაარსდა 2009 წელს და საქმიანობს რამდენიმე მიმართულებით:

  • პროგრამული უზრუნველყოფა და ვებ-დიზაინი;
  • სასწავლო კურსები და ტრენინგები;
  • უძრავი ქონების ბროკერი და სხვა სერვისები.

საბროკერო მომსახურება, შეფასება, უძრავი ქონების ბაზრის ანალიზი არის ჩვენი კომპანიის ერთ-ერთი ყველაზე მნიშვნელოვანი მიმართულება. ჩვენი თანამშრომლები და აგენტები მუდმივად გადიან საგანმანათლებლო ტრენინგებს უძრავი ქონების სფეროში, კომუნიკაციის მეთოდებში და იურიდიულ საკითხებში. ჩვენ ვცდილობთ დავნერგოთ და ვიმუშაოთ საერთაშორისო წესებითა და სტანდარტებით.

შპს "სპარ" და 30-მდე საქართველოს წარმატებულმა უძრავი ქონების სააგენტომ 2014 წელს დააფუძნეს "საქართველოს რეალტორთა ასოციაცია". აღნიშნული გაერთიანების ფარგლებში ერთიანი ძალით ხორციელდება საქართველოში უძრავი ქონების ბაზრის ცივილიზებულ რელსებზე გადასვლა:

  • წევრ სააგენტოებში შემოღებულია უძრავი ქონების ბაზარზე ბიზნესის წარმოების და თანამშრომლობის წესები და სტანდარტები;
  • ასოციაციის წევრების ფარგლებში მოქმედებს მონაცემთა გაცვლის ერთიანი MLS ბაზა სპეციალური პროგრამული უზრუნველყოფით.
  • ასოციაციის ფარგლებში იგეგმება რეალტორთათვის საერთაშორისო სტანდარტების სასწავლო ტრენინგ ცენტრის გახსნა;
  • ასოციაციის მხრიდან იდგმება მინიშვნელოვანი ნაბიჯები საერთაშორისო ორგანიზაციებში გასაწევრიანებლად; 
  • მუშავდება საკანონმდებლო პროექტი პარლამენტისთვის შესათავაზებლად უძრავი ქონების ბაზრის მოწესრიგების მიზნით;

კომპანია "სპარ" პირველი დღიდანვე ჩაბმულია საქართველოს უძრავი ქონების ბაზარზე საერთაშორისო წესების დანერგვის საქმეში. ჩვენ მაქსიმალურად ვცდილობთ დავაკმაყოფილოთ მომხმარებლის მოთხოვნილება და დავიცვათ მათი უფლებები.

 

 

 

 

რა გსურთ კონკრეტულად?

 

 

 

 


 

 

2015 © ყველა უფლება დაცულია